Auzo bakoitzeko beharrak, lehentasunak eta ekintzak zehazteko, elkarlanean arituko dira Udala eta auzo elkarteak.
Galdakaoko udalerriaren lurralde egitura sakabanatua dela eta, Partehartze eta Gardentasun Arloa udalerriaren garapen orekatua bermatzeko beharrezkoak diren partaidetza egiturak zehazteko prozesua lantzen ari da, partaidetza prozesu eta espazioen ikuspegitik. Horrela, erakundearen eta Galdakaoko auzoen arteko elkarreraginerako espazioak sortu nahi dira, eta fokua hurbilenean jartzea erraztu, baina hiriaren ikuspegia ahaztu gabe. Prozesu horrekin auzo bakoitzerako ekintza planak izeneko neurriari erantzuten zaio, egitura hori sortzea baita lurralde plangintzaren prozesuari ekiteko lehen urratsa.
Horrela, Galdakaoko lurralde partaidetzako egitura diseinatzeko eta garatzeko prozesuak honako hauek jorratu beharko ditu: Galdakaoko lurralde partaidetzako egitura posiblea (auzo foroak eta/edo kontseiluak, hiri behatokia, hiri kontseilua…) eta plangintza eta ebaluazio estrategikorako tresnak (Auzo Plana, Hiriko Plan Estrategikoak, etab.).
Proiektuaren oraingo fasea Galdakaoko guneetako errealitateari buruzko datu bereiziak biltzea da, irailetik aurrera egiturak zehazteko lanari ekiteko, herritarren parte hartzearekin.